काठमाडौँ । दुर्गा प्रसाईँको अभियानका एक संयोजक शम्भु थापा पक्राउ परेका छन् । बैंक तथा वित्तीय संस्थाका प्रमुखहरूलाई कालोमोसो दल्ने भनेर धम्की दिने दुर्गा प्रसाईँको ‘कालोमोसो दस्ता’का केन्द्रीय संयोजक रहेका थापा पक्राउ परेका हुन् ।
अभियानका चितवन अभियन्ता मेघराज पौडेलकाअनुसार उनलाई जिल्ला प्रशासन कार्यालय, चितवन परिसरबाट मंगलबार प्रहरीले नियन्त्रणमा लिएको छ । चितवन प्रहरीले थापासँग केही विषयमा सोधपुछ गर्नुपर्ने भएकाले नियन्त्रणमा लिएको जनाएको छ ।
कालोमोसो दस्ता बैंक तथा वित्तीय संस्थाका सञ्चालक तथा कर्मचारीलाई कारबाही गर्न खडा गरिएको बताइएको थियो । तर कालोमोसो दल्ने भनेर गरिएको निर्णय फिर्ता भइसकेको प्रसाईँले बताएका थिए ।
प्रतिकृया दिनुहॊस