भारतीय अभिनेता विवेक ओबराय परिवारसहित नेपालमा

काठमाडौँ । भारतीय अभिनेता विवेक ओबराय परिवारसहित नेपाल आएका छन् । नेपालमा रहँदा बुद्ध जन्मस्थल लुम्बिनीमा हुने भेटघाटमा सहभागी हुने उनले जनाएका छन् ।

व्यवसायी पुनम यादवको निम्तोमा आएका अभिनेता ओबराय दश दिन नेपालमा रहनेछन्। “पहिलोपटक नेपाल आएको हुँ, मेरो बुबाआमा धेरै पटक आइसक्नुभएको छ”, त्रिभुवन विमानस्थलमा सञ्चारकर्मीसँग कुरा गर्दै उनले भने।

नेपाल बसाइँका क्रममा पशुपतिनाथ दर्शनका साथै लुम्बिनी, पोखरालगायत ठाउँ घुम्ने कार्यक्रम रहेको बताइएको छ । अभिनेता ओबरायले प्याराग्लाइडिङ, बन्जीजम्प, धौलागिरि हिमालको अवलोकनसँगै म्याग्दीको घोरेपानी क्षेत्र घुम्ने कार्यक्रम तय भएको छ ।