कीर्तिपुरमा स्कुल बसको ठक्करबाट सशस्त्र प्रहरी जवानको मृत्यु

काठमाडौं। कीर्तिपुरमा स्कुलबसको ठक्करबाट एकजना सशस्त्र प्रहरी जवानको मृत्यु भएको छ।

आज बिहान बल्खुबाट चोभारतर्फ गइरहेको मोडर्न इन्डियन स्कुलको ना१क १६१२ नम्बरको बसले ठक्कर दिँदा २९ वर्षीय सुवासचन्द्र रतेलाको मृत्यु भएको हो।

उनको उपचारका क्रममा बयोधा अस्पतालमा मृत्यु भएको हो। मृतक रतेला सशस्त्र प्रहरी केन्द्रीय कार्यालय हलचोकमा कार्यरत थिए।