वीरगञ्जमा सरावगीभन्दा राजेशमान ४५ सय ९ मतले अगाडि

वीरगञ्ज । वीरगञ्ज महानगरपालिकाको मेयरमा राष्ट्रिय जनता पार्टी (राजपा) का राजेशमान सिंहले फराकिलो अग्रतालाई कायमै राखेका छन् । नेकपा एमालेका विजयकुमार सरावगी भन्दा सिंहले ४ हजार ५ सय ९ मत बढी ल्याएका छन् ।

१६ हजार ४ सय ४७ मत गणना हुँदा सिंहले ८ हजार १ सय ३१ मत ल्याएका छन् भने एमालेका सरावगीले ३ हजार ६ सय २२ मत ल्याएका छन् ।

उपमेयरमा नेपाली कांग्रेसका इम्तियाज आलमले ४९३२ मत ल्याउँदा लोकतान्त्रिक समाजवादी (लोसपा) का पुरुषोत्तम लाल झाले ७८३ मत ल्याएका छन् ।