सुनको मूल्य तोलामा १५ सय रुपैयाँले घट्यो

सुनको मूल्य आज तोलामा १५ सय रुपैयाँले घटेको छ। सुन तोलामा १५ सय रुपैयाँले घटेर आज तोलाको एक लाख ६ सय रुपैयाँमा झरेको नेपाल सुनचाँदी व्यवसायी महासंघले जनाएको छ।

सुनको भाउ मंगलबार पनि तोलामा चार सय रुपैयाँले घटेको थियो। मंगलबार सुन तोलाको एक लाख दुई हजार एक सय रुपैयाँमा कारोबार भएको थियो।

आज चाँदीको भाउ पनि घटेको छ। आज चाँदी तोलामा ३५ रुपैयाँले घटेर तोलाको १३ सय ८५ रुपैयाँ तोकिएको महासंघले जनाएको छ।