बागमतीसहित पाँच प्रदेशमा चट्याङ्सहित वर्षाको सम्भावना

काठमाडौं । नेपालका विभिन्न भागमा आज पनि वर्षाको सम्भावना रहेको मौसमविदले बताएका छन् । प्रदेश-१, वागमती, गण्डकी, कर्णाली र सुदूरपश्चिम प्रदेशका पहाडी भू-भागका केही स्थानमा मेघगर्जन र चट्याङ्सहित हल्का वर्षाको सम्भावना रहेको छ ।

जल तथा मौसम विज्ञान विभागका अनुसार आज दिउँसो देशका पहाडी भू-भागमा आंशिकदेखि सामान्य बदली रहनेछ । अन्य भू-भागमा मौसम सामान्यतया सफा रहने विभागको पूर्वानुमान छ ।

विभागले आज राति देशको पहाडी भू-भागमा आंशिकदेखि सामान्य बदली रहने जनाएको छ । अन्य भू-भागमा मौसम सामान्यतया सफा रहनेछ । प्रदेश-१, गण्डकी प्रदेश, कर्णाली र सुदूरपश्चिम प्रदेशको पहाडी भू-भागका केही स्थानमा मेघगर्जन र चट्याङ्सहित हल्का वर्षाको सम्भावना रहेको विभागले जनाएको छ ।