पछिल्लो २४ घण्टामा ४७८ जना कोरोना संक्रमण मुक्त भएका छन्। त्यस्तै २९५ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार ५ हजार २२५ जनाको पीसीआर परीक्षण गर्दा २६० जना र ३ हजार १८ जनाको एन्टिजेन परीक्षण गर्दा ३५ जना गरी २९५ जनामा कोरोना भाइरसको संक्रमण देखिएको हो।
यस्तै पछिल्लो २४ घण्टामा कोरोना संक्रमणबाट २ जनाको मृत्यु भएको छ। यससँगै कूल मृतकको संख्या ११ हजार ४७१ पुगेको छ। कूल निको हुनेको संख्या ७ लाख ९७ हजार ९२६ पुगेको छ। कूल संक्रमितको संख्या पीसीआर विधिबाट ८ लाख १६ हजार ६७५ र एन्टीजेनबाट ९५ हजार ७२ पुगेको छ।
नेपालमा हाल ७ हजार २७८ जना सक्रिय संक्रमित रहेका छन्।
काठमाडौं उपत्यकामा आज ११८ जनामा कोरोना संक्रमण पुष्टि
काठमाडौं उपत्यकामा ११८ जनामा कोरोना संक्रमण पुष्टि भएको छ। आज काठमाडौंमा ७९, ललितपुरमा ३३ र भक्तपुरमा ६ संक्रमित थपिएका हुन्।
