साताको चौथो कारोबार दिन शेयर बजारमा भारी अंकले वृद्धि आएको छ। आज नेप्से ६० दशमलव ५६ अंकले बढेको हो।
आइतबार सामान्य अंकले बढेको शेयर बजारमा सोमबार र मंगलबार भने भारी अंकको गिरावट आएको थियो । आज भएकाे सुधारले लगानीकर्तालाई राहत मिलेकाे छ।
कारोबारको सुरुवाती समयबाट नै समालिएको शेयर बजार कारोबारको अन्तिममा आएर ६०.५६ अंकले बढ्दै २ हजार ५७१.६६ विन्दुमा पुगेको हो।
आज कारोबारमा आएका २१७ कम्पनीको ६१ लाख एक हजार ४१४ कित्ता शेयर ३४ हजार ६४४ पटक किनबेच हुँदा २ अर्ब ६७ करोड ९० लाख २८ हजार १५५ रुपैयाँ २३ पैसा बराबरको कारोबार भएको छ।
यसमध्ये १७९ वटा कम्पनीको शेयर मूल्य बढेको छ भने ६ वटा कम्पनीको शेयर मूल्य घटेको छ। आज कारोबार भएको एउटा कम्पनीको शेयर मूल्य स्थिर रहेको छ।
आज नेप्सेका सबै समूहमा हरियाली छाएको छ। आज सर्वाधिक फाइनान्सका लगानीकर्ताले ५.८१ प्रतिशत र हाइड्रो पावरका लगानी कर्ताले ४.३१ प्रतिशतसम्म कमाएका छन्। आज कुनै पनि समूहले गुमाएका छैनन् ।
त्यस्तै ‘क’ वर्गका कम्पनीहरूको कारोबार मापन गर्ने सेन्सेटीभिटि परिसूचक १२.०९ अंकले बढेर ४८४.०५ विन्दुमा पुगेको छ।
