साफ च्याम्पियनसिपः नेपाल र भारतबीचकाे खेल आज राति हुने

माल्दिभ्समा चलिरहेको साफ च्याम्पियनसिप फुटबलमा आज राति नेपाल र भारतबीच प्रतिश्पर्धा हुने भएकाे छ।

साफको सर्वाधिक सफल टिम भारतले अघिल्लो दुई खेलमा बराबरी खेलेको थियो। पहिलो खेलमा बंगलादेशसँग १–१ गोलको बराबरी खेलेको भारतले दोस्रो खेलमा श्रीलंकासँग गोलरहित बराबरी खेलेको थियो।

नेपालले भने लगातार दुई खेल जितेको छ। पहिलो खेलमा माल्दिभ्सलाई १–० ले हराएको नेपालले दोस्रो खेलमा श्रीलंकालाई ३-२ ले हराएको थियो। नेपाल २ खेलमा ६ अंक जोडेर शीर्ष स्थानमा छ।

भारत २ अंक जोडेर चौंथो स्थानमा छ। लगातारको दुई जीतले नेपाल फाइनल नजिक रहेको छ। तर भारतलाई भने फाइनल पुग्न अबको बाँकी दुई खेल जित्नै पर्ने दबाब छ।