ट्रकको ठक्करबाट सहचालकको मृत्यु

इलाम । ट्रकले ठक्करबाट इलाममा सहचालकको मृत्यु भएको छ।

मंगलबार राति पौने १० बजे इलामबाट पाँचथरतर्फ गइरहेको ना ५ ख ४९८७ नम्बरको ट्रकले इलाम नगरपालिका-१ नेपालटारमा खाना खानका लागि रोकिराखेको प्र १ ०१ ००१ ख ३४७१ नम्बरको मालबाहक ट्रकको सहचालक २३ वर्षीय राजेश नेपाललाई ठक्कर दिँदा मृत्यु भएको हो।

ठक्कर दिने ट्रक चालक पाँचथरको हिलिहाङ गाउँपालिका -७ का ३४ वर्षीय सुकमान राईलाई प्रहरीले नियन्त्रणमा लिएको छ।