आज १४ सयले घट्यो सुनको मूल्य, चाँदीको मूल्यमा ३० रुपैयाँको गिरावट

साताको अन्तिम दिन आज नेपाली बजारमा सुनको मूल्य घटेको छ। सुन आज १४ सयले घटेको हो।

यस हप्ता आइतबार ४ सयले घटेको थियो। सोमबार ३ सयले बढेको थियो भने मंगलबार स्थिर रहेको थियो। बुधबार ६ सयले बढेको सुन बिहीबार ७ सयले घटेको थियो ।

आज छापावाला सुनको प्रतितोला ८९ हजार १०० मूल्य निर्धारण भएको छ। यस्तै तेजाबी सुन आजका लागि ८८ हजार ६५० मूल्य निर्धारण भएको नेपाल सुनचाँदी व्यवसायी महासङ्घले जनाएको छ।

यता चाँदीको मूल्य पनि आज घटेको छ। चाँदी आज ३० रुपैयाँ घट्दै एक हजार १७० मा कारोबार भइरहेको छ।