डीश होमले ट्राइ नेसन्स सिरिजको प्रत्यक्ष प्रसारण गर्ने

काठमाडौं । डिश मिडिया नेटवर्कले ओमानमा हुने सीडब्लुसी लिग २ ट्री नेशन सिरिजको प्रत्यक्ष प्रशारण गर्ने भएको छ ।

नेपाल क्रिकेट संघ र डिश मिडिया नेटवर्क लिमिटेडबीच नेपाल र ओमानमा हुने एकदिवसीय अन्तराष्ट्रिय सीडब्लुसी लिग २ ट्री नेशन सिरिजको प्रत्यक्ष प्रशारण गर्ने सहमति भएको छ ।

सम्झौतामा डिश मिडिया नेटवर्कका तर्फबाट प्रबन्ध निर्देशक सुदिप आचार्य र क्यानका कोषाध्यक्ष रोशन कुमार सिंहले हस्ताक्षर भएको हो ।

उक्त सीडब्लुसी लिग २ ट्री नेशन सिरिजका ६ वटा खेलहरु भदौ २८ गते देखि असोज ४ गतेसम्म हुनेछ ।

यो सम्झौता अन्तर्गत ओमानमा आयोजना हुने खेलहरु डिशहोमले एक्सन स्पोर्टस् एचडी वान र डिशहोम गो ओटीटी एप मार्फत प्रत्यक्ष प्रशारण हुनेछ ।