सभामुख अग्निप्रसाद सापकोटाले सर्वदलीय बैठक बोलाएका छन् । प्रमुख प्रतिपक्षी दल एमालेका सांसदहरूले लगातार संसद् बैठकमा नाराबाजी गरेपछि सभामुख सापकोटाले सदनको गतिरोध अन्त्य गर्न सर्वदलीय बैठक बोलाएका हुन्।
‘सभामुखज्यूले भोलि (२८ भदौ बुधबार) दिउँसो साढे २ बजेका लागि संघीय संसदमा प्रतिनिधित्व गर्ने राजनीतिक दलका अध्यक्ष/प्रमुखसँग समसामयिक विषयमा छलफल गर्न सर्वदलीय बैठक आह्वान गर्नुभएको छ’, सभामुखका प्रेस संयोजक श्रीधर न्यौपानेले भने।
एमाले विभाजनमा सभामुखको भूमिका रहेको भन्दै एमाले सांसदहरूले बुधबार, बिहीबार र आइतबार गरि तीन दिनको बैठकमा नाराबाजी गरेर अवरोध सृजना गरेका छन्।
माधव नेपालसहित १४ सांसदलाई पदमुक्त गरेको सूचना टाँस्नु पर्ने, सभामुखले माफी माग्नु पर्ने एमालेको माग छ।
तपाईंको प्रतिकृया
