काठमाडौं । नेपाली कांग्रेस केन्द्रीय निर्वाचन समितिका संयोजक महादेवप्रसाद यादवले पदबाट राजीनामा दिएका छन् । पार्टी केन्द्रीय कार्यालयमा राजीनामा पत्र बुझाएको उनले पुष्टि गरे ।
‘मैले राजीनामा दिइसकेको छु’, संयोजक यादवले भने, ‘अब के हुन्छ, त्यो पार्टीले जान्ने कुरा भयो ।’ निर्वाचनले लामो समय लिएकाले आफूले राजीनामा दिएको उनको भनाइ छ ।
कांग्रेसले भदौ १८ गते देशका छ हजार ७४३ वडामा एकैदिन वडा अधिवेशन गर्ने भने पनि ५६ जिल्लाका विभिन्न वडामा मात्रै अधिवेशन सकिएको छ । २१ जिल्लामा अधिवेशन सुरु भएको छैन ।
तपाईंको प्रतिकृया
