काठमाडौं । नेपाल इन्फ्रास्ट्रक्चर बैंकले चौथो त्रैमाससम्मको वित्तीय विवरण शुक्रवार सार्वजनिक गरेको छ ।
सार्वजनिक वित्तीय विवरण अनुसार नेपाल इन्फ्रास्ट्रक्चर बैंकको वितरणयोग्य नाफा रू. ६५ करोड ८५ लाख ५२ हजारमा सिमित भएको छ ।
यस अवधिसम्म कम्पनीले रू. ८३ करोड ६४ लाख ३२ हजार खुद नाफा गरेको छ । अघिल्लो वर्षभन्दा गत वर्ष कम्पनीको खुद नाफा १ दशमलव २६ प्रतिशतले कम भएको हो ।
कम्पनीको जगेडा कोष रकम ४६ दशमलव ८५ प्रतिशत बढी रू. २ अर्ब ४० करोड ७ लाख ८१ हजार कायम भएको छ ।
अघिल्लो वर्षभन्दा गत वर्ष २० दशमलव ६५ प्रतिशत बढी कम्पनीले रू. ३० करोड १६ लाख ४० हजार निक्षेप संकलन गरेको छ ।
कम्पनीको प्रतिशेयर आम्दानी रू. ४ दशमलव १८ र प्रतिशेयर नेटवर्थ रू. ११७ रहेको छ ।
तपाईंको प्रतिकृया
