ट्याक्टर पल्टिँदा एक जनाको मृत्यु

काठमाडाैँ । कास्कीमा ट्याक्टर दुर्घटना हुँदा एक जनाको मृत्यु भएको छ । शनिबार साँझ पोखरा महानगरपालिका–२५, हेम्जामा तिब्बतीयन क्याम्पबाट लामाचौरतर्फ जाँदै गरेको ग १ त ६७४३ नम्बरको ट्याक्टर ढुङ्गामा ठोक्किएर पल्टिएको थियो ।

दुर्घटनामा ट्याक्टरमा सवार पोखरा–१६, बाटुलेचौर बस्ने तनहुँको शुक्लागण्डकी नगरपालिका–६, खैरेनीटारका २३ वर्षीय सोमबहादुर कुमाल च्यापिएका थिए ।

उद्धार गरेर उनलाई फिस्टेल अस्पताल पठाइएको थियो । उपचारको क्रममा उनको मृत्यु भएको वडा प्रहरी कार्यालय बगरले जनाएको छ । दुर्घटनापश्चात् फरार रहेका ट्याक्टर चालकको खोजी भइरहेको प्रहरीले जनाएको छ ।

बारेमा News desk

यॊ पनि हेर्नुहॊस

सप्तकोशी नदी किनारमा महिला र पुरुषको शव फेला

काठमाडौं । सुनसरीको बराहक्षेत्र नगरपालिकाको सप्तकोशी नदी किनारामा एक महिला र एक पुरुषको शव फेला …

प्रतिकृया दिनुहॊस