नेपाल लाइफ र ग्लोबल कलेजबीच एमओयु सम्पन्न

काठमाडौं । नेपाल लाइफ इन्स्योरेन्स कम्पनी लिमिटेड र ग्लोबल कलेज अफ म्यानेजमेन्टबीच सोमबार एक कार्यक्रमका बीच समझदारी (एमओयु) भएको छ । नेपाल लाइफको कर्पोरेट कार्यालयमा आपसी हितका लागि अघि बढ्ने सम्झौता भएको हो ।

ग्लोबल कलेजका विद्यार्थीलाई नेपाल लाइफमा इन्टर्न गर्ने अवसर प्रदान गर्ने र जीवन बीमा शिक्षामा नेपाल लाइफले ग्लोबल कलेजलाई सघाउने सम्झौतामा उल्लेख छ । बीमा सचेतना अभियानमा ग्लोबल कलेजको साथ सहयोग रहने समेत सम्झौतामा समेटिएको छ ।

नेपाल लाइफका तर्फबाट प्रमुख कार्यकारी अधिकृत सन्तोष प्रसाई र ग्लोबल कलेजका तर्फबाट प्रिन्सिपल डा. देवराज पनेरुले सम्झौता पत्रमा हस्ताक्षर गरेका छन् ।

कार्यक्रममा नेपाल लाइफका मानव संसाधन प्रमुख बन्दना शर्मा तथा ग्लोबल कलेजका प्रोगाम कोअर्डिनेटर विराज घिमिरेसमेत उपस्थित थिए ।