अमेरिकाले १५ लाख नेपालीलाई पुग्ने कोभिड खोप निःशुल्क दिने

काठमाडौँ । अमेरिकाले करिब १५ लाख नेपाली नागरिकलाई पुग्ने गरी कोभिड-१९ विरुद्धको खोप उपलब्ध गराउने भएको छ । उक्त परिमाणको खोप केही दिनमै उपलब्ध हुने भएको हो ।

अमेरिकाले नेपाललाई जोन्सन एन्ड जोन्सन कम्पनीको १५ लाख डोज खोप पठाउनेछ । ‘आउँदा केही दिनमा अमेरिकाले १५ लाखभन्दा बढी नेपालीलाई पुग्नेगरी कोभिड-१९ खोप निःशुल्क उपलब्ध गराउँदैछ,’ अमेरिकी राजदूत र्‍यान्डी बेरीले भनेका छन्, ‘नेपाल-अमेरिका साझेदारीको ७३ वर्ष लामो यात्रामा यो मेरो लागि अत्यन्तै खुसीको क्षण हो ।’

अमेरिका सदैव नेपालीहरूको साथमा रहेको उनको भनाई छ । ‘नेपालीको जीवनस्तर सुधारमा निरन्तर काम गरिरहनेछ,’ राजदूत र्‍यान्डी बेरीले भने ।

आउँदा केही दिनमा अमेरिकाले १५ लाखभन्दा बढी नेपालीलाई पुग्नेगरी कोभीड१९ खोप निशुल्क उपलब्ध गराउंदैछ। नेपाल-अमेरिका साझेदारीको ७३ बर्ष लामो यात्रामा यो मेरो लागि अत्यन्तै खुशीको क्षण हो। अमेरिका सदैव नेपालीहरूको साथमा छ र नेपालीको जीवनस्तर सुधारमा निरन्तर काम गरीरहनेछ। 🇺🇸🙏🇳🇵 pic.twitter.com/h00rhlhmds

— Ambassador Randy Berry (@USAmbNepal) July 9, 2021