आयोजक रुस विश्वकपको दोस्रो चरणमा, इजिप्ट बाहिरियो

एजेन्सी । आयोजक रसिया विश्वकप फुटबलको नकआउट चरणका पुग्ने पहिलो टोली बनेको छ । हिजाे राति भएको खेलमा इजिप्टलाई ३–१ को गोलअन्तरमा पराजित गर्दै रसिया विश्वकपको नकआउट चरणमा पुग्ने पहिलो टोली बनेको हो । रसियासँगको हारसँगै इजिप्ट विश्वकपको समूह चरणबाटै बाहिरिएको छ ।

४७ औं मिनेटमा इजिप्टका कप्तान मोहमद फाथीले बल रोक्ने क्रममा आफ्नै पोष्टमा बल छिराएका थिए । त्यसपछि डेनिस चेरसिभले ५९ औं मिनेटमा अर्को एक गोल थप्दै खेललाई २–० भयाे । त्यसको तीन मिनेटपछि अर्थात ६२ औं मिनेटमा ज्युभाले अर्को गोल गर्दै रसियालाई ३–० को अग्रता दिलाए ।