बुटवलको कोरोना अस्पतालमा संक्रमितको मृत्यु

काठमाडौं । रूपन्देहीको बुटवलस्थित कोरोना विशेष अस्पतालमा थप एक संक्रमितको मृत्यु भएको छ । गुल्मीको सत्यवती गाउँपालिका–६ का ६२ वर्षीय पुरुषको उपचारका क्रममा मृत्यु भएको हो ।

अस्पतालका सूचना अधिकारी डा. विष्णु गौतमका अनुसार गत कात्तिक २३ गते पीसीआर पोजिटिभ आई अस्पताल भर्ना भएका उनको गएराति १२ बजेर ४५ मिनेटमा मृत्यु भएको हो ।

ती व्यक्तिमा निमोनियाको समस्या थियो । योसँगै लुम्बिनी प्रदेशमा कोरोना संक्रमणले मृत्यु हुनेको संख्या २ सय ४० पुगेको उनले बताए ।