काठमाडौं । नेपाल कम्युनिस्ट पार्टी (नेकपा) नेता भीम रावलले पार्टी विवादमा राष्ट्रपति विद्यादेवी भण्डारीले खेलेको भूमिकाप्रति आपत्ति जनाएका छन् ।
पार्टीको आन्तरिक राजनीतिक समस्यामा कुनै पक्षलाई साथ दिँदै राष्ट्रपति सक्रिय हुँदा पदको मर्यादा उलंघन हुने र स्थापित प्रणालीको अवज्ञा हुने उनको भनाइ छ । राष्ट्रपति भण्डारीले नेकपा उपाध्यक्ष वामदेव गौतम र गृहमन्त्रीसमेत रहेका नेता रामबहादुर थापा ‘बादल’सँग नेकपा विवाद समाधानको विषयमा छलफल गरेकोप्रति लक्षित गर्दै रावलले यस्तो बताएका हुन् ।
‘नेकपाको आन्तरिक राजनीतिक समस्यामा कुनै एक पक्षलाई साथ दिँदै राष्ट्रपति सक्रिय रहनुभएको समाचार आइरहेको छ’, रावलले ट्वीटरमा लेखेका छन्, ‘यदि यस्तो गरिएको हो भने यो राष्ट्रपति पदको मर्यादा र गरिमाको उल्लङ्घन, स्थापित प्रणालीको अवज्ञा र नेकपाको संस्थागत सञ्चालनको मार्गमा अवरोध सिर्जना गर्ने गलत काम ठहरिने छ ।’
नेकपाको आन्तरिक राजनीतिक समस्यामा कुनै एक पक्षलाई साथ दिदै राष्ट्रपति सक्रिय रहनुभएको समाचार आइरहेको छ।यदि यस्तो गरिएको हो भने यो राष्ट्रपति पदको मर्यादा र गरिमाको उल्लङ्घन,स्थापित प्रणालीको अवज्ञा र नेकपाको संस्थागत सञ्चालनको मार्गमा अवरोध सिर्जना गर्ने गलत काम ठहरिने छ।
— Bhim Rawal, PhD (@BhimRawal179) November 6, 2020
प्रतिकृया दिनुहॊस