खोलाले बगाउँदा झापामा दुई वर्षका बालकको मृत्यु

झापा । झापामा खोलाले बगाउँदा एक दुई वर्षीय बालकको ज्यान गएको छ । मृत्यु हुनेमा बिर्तामोड–७ का राजु मर्डीका दुई वर्षीय छोरा जीवन रहेको जिल्ला प्रहरी कार्यालय झापाले जानकारी दिएको छ ।

उनी बुधबार राति ९ बजेबाट हराइरहेका थिए । बिहीबार बिहान घर नजिकैको रेखा खोलामा उनी मृत भेटिएको जिल्ला प्रहरी कार्यालय झापाका सूचना अधिकारी राकेश थापाले जानकारी दिए । लगातारको वर्षाका कारण बढेको खोलाले उनलाई बगाएको हुनसक्ने प्रहरीको अनुमान छ ।