काठमाडौँ । छिमेकी मुलुक भारतमा कोरोनाको संक्रमण तिब्र गतिमा बढीरहेको देखिएको छ । भारतीय स्वास्थ्य मन्त्रालयले दिएको पछिल्लो अपडेट अनुसार २४ घण्टामा कोरोनाबाट ७७५ जनाको मृत्यु भएको छ ।
योसँगै भारतमा कुल मृत्यु हुनेको संख्या ३४ हजार नाघेको छ । भारतमा अहिलेसम्म मृत्यु हुनेको संख्या ३४ हजार ९६८ पुगेको छ । त्यस्तै पछिल्लो २४ घण्टामा ५२ हजार १२३ जना संक्रमित पुष्टि भएको छ ।
योसँगै भारतमा अहिलेसम्म कोरोना संक्रमितको संख्या १५ लाख नाघेको छ । भारतमा कुल संक्रमित १५ लाख ८३ हजार ७९२ पुगेको छ । यसका साथै भारत धेरै संक्रमित हुने देशको सुचीमा अमेरिका, ब्राजिलपछि तेस्रो स्थानमा रहेको छ ।
त्यस्तै भारतमा अहिलेसम्म १० लाख २० हजार ५८२ जना ठिक भएका छन् भने ५ लाख २८ हजार २४२ कोरोना संक्रमित विरामी उपचारत रहेका छन् ।
त्यस्तै भारतमा अहिलेसम्म कुल एक करोड ८१ लाख ९० हजार ३८२ नमुना परिक्षण गरिएको छ । जसमा पछिल्लो २४ घण्टामा ४ लाख ४६ हजार ६४२ नमुना परिक्षण गरिएको इण्डियन काउन्सिल अफ मेडिकल रिसर्चले जानकारी दिएको छ ।
प्रतिकृया दिनुहॊस