काठमाडौं । विश्वभर महामारीको रुपमा फैलिएको कोरोना भाइरसबाट संक्रमित हुनेको संख्या १ करोड ५७ लाख नाघेको छ । विश्व स्वास्थ्य संगठनका अनुसार हालसम्म विश्वमा कोरोना संक्रमितको संख्या १ करोड ५७ लाख ८५ हजार ६४१ पुगेको हो ।
आइतबार विश्वमा कोरोना संक्रमणका कारण ४ हजार ८२३ कोरोना संक्रमितको मृत्यु भएको छ । यो अघिल्लो दिनको तुलनामा केही कम हो । विश्व स्वास्थ्य संगठनका अनुसार शनिबार ६ हजार २७० कोरोना संक्रमितको मृत्यु भएको थियो । शुक्रबार ९ हजार ७५३ संक्रमितको मृत्यु भएको थियो ।
आइतबार ४ हजार ८२३ कोरोना संक्रमितको मृत्यु भएसँगै विश्वमा ज्यान गुमाउनेको संख्या ६ लाख ४० हजार नाघेको छ । विश्वमा हालसम्म ६ लाख ४० हजार १६ जनाको मृत्यु भएको हो ।
कोरोनाले सबैभन्दा धेरै ज्यान गुमाउने देशको सूचिमा अमेरिका पहिलो स्थानमा छ भने दोस्रोमा ब्राजिल छ । चीनबाट सुरु भएको कोरोना भाइरसको संक्रमण विश्वका २१६ देशमा फैलिसकेको विश्व स्वास्थ्य संगठनले जनाएको छ ।
सुरुका केही समय अमेरिकन देशमा सबैभन्दा धेरै प्रभाव देखिएको कोरोना भाइरसको संक्रमण तुलनात्मक रुपमा अफ्रिकन देशमा कम फैलिएको थियो । यद्यपि पछिल्लो समय अफ्रिकन देशमा पनि कोरोना संक्रमण महामारीकै रुपमा फैलिएको विश्व स्वास्थ्य संगठनको तथ्यांकले देखाउँछ ।
प्रतिकृया दिनुहॊस