भारतमा कोरोनाबाट मृत्यु हुनेको संख्या २८ हजार नाघ्यो

काठमाडौँ । छिमेकी मुलुक भारतमा कोरोनाको संक्रमण तिब्र गतिमा बढीरहेको देखिएको छ । भारतीय स्वास्थ्य मन्त्रालयले दिएको पछिल्लो अपडेट अनुसार २४ घण्टामा कोरोनाबाट ५८७ जनाको मृत्यु भएको छ ।

योसँगै भारतमा कुल मृत्यु हुनेको संख्या २८ हजार नाघेको छ । भारतमा अहिलेसम्म मृत्यु हुनेको संख्या २८ हजार ८४ पुगेको छ । त्यस्तै पछिल्लो २४ घण्टामा ३७ हजार १४८ जना संक्रमित पुष्टि भएको छ ।

योसँगै भारतमा अहिलेसम्म कोरोना संक्रमितको संख्या ११ लाख नाघेको छ । भारतमा कुल संक्रमित ११ लाख ५५ हजार १९१ पुगेको छ । यसका साथै भारत धेरै संक्रमित हुने देशको सुचीमा अमेरिका, ब्राजिलपछि तेस्रो स्थानमा रहेको छ ।

त्यस्तै भारतमा अहिलेसम्म ७ लाख २४ हजार ५७८ जना ठिक भएका छन् भने ४ लाख २ हजार ५२९ कोरोना संक्रमित विरामी उपचारत रहेका छन् । त्यसैगरी विश्वभर कोरोना संक्रमितको संख्या एक करोड ४८ लाख ५५ हजार १०७ पुगेको छ भने मृतकको संख्या ६ लाख १३ हजार २४८ पुगेको छ । त्यस्तै विश्वभर ८९ लाख ७ हजार १६७ जना कोरोना संक्रमित ठिक भएका छन् ।