नेपालका ५० प्रतिशत कोरोना संक्रमित निको भए

काठमाडौं । नेपालमा ५० प्रतिशत कोरोना संक्रमित निको भएर घर फर्किएका छन् । स्वास्थ्य तथा जनसंख्या मन्त्रालयका अनुसार संक्रमित भएकाहरुमध्ये ५० दशमलव ५ प्रतिशत निको भएर घर फर्किएको बताएका हुन् ।

हालसम्म कोरोनाबाट निको हुनेको संख्या ८ हजार ४ सय ४२ पुगेको प्रवक्ता डा. जागेश्‍वर गौतमले जानकारी दिए । उनका अनुसार पछिल्लो २४ घन्टामा ४ सय ३१ जना संक्रमित निको भएर घर फर्किएका छन् । नेपालमा हालसम्म १६ हजार ७ सय १९ जनालाई कोरोना देखिएको हो ।