बोक्सी काण्ड’ का विवादित मेयरलाई काठमाडौं ल्याईयो

काठमाडौं । कैलालीको घोडाघोडी नगरपालिकाका मेयर ममता प्रसाद चौधरीलाई थप उपचारको लागि काठमाडौं ल्याइएको छ । हिजाे अज्ञात समूहको गोली लागि घाइते भएका चौधरीलाई थप उपचारका लागि काठमाडौं ल्याईएको हो ।

चौधरीलाई साेमवार उनकै निवासमा सोमबार साँझ गोली र खुकुरी प्रहार भएको थियो । चौधरीको टाउकोमा खुकुरी र कम्मरमुनी गोलीको छर्रा लागेको छ । प्रहरीले घटनास्थलबाट से २ प ३६७१ नम्बरको मोटरसाईकल पनि बरामद गरेको छ । प्रहरीले यस घटनामा संलग्न रहेको भनी ३ जनालार्इ पक्राउ पनि गरेको छ ।

मेयर चौधरीलाई शुरुमा छातीमा गोली लागेको बताइएकाे थियाे । जिल्ला प्रहरी कार्यालय कैलालीका अनुसार उनलाई घोडाघोडी अस्पतालमा उपचार हुन नसकेपछि थप उपचारको लागि काठमाडौं ल्याईएको हो । घोडाघोडीकी युवती राधा चौधरीलाई बोक्सीको आरोपमा स्थानिय रामबहादुर चौधरी सहितले कुटपिट र दुर्व्यवहार गर्दा चौधरी पिडक पक्षमा लागेर छुटाउन लागेको भन्दै उनले अालाेचना खेपेका थिए ।