इलाममा दुई संचारकर्मीमाथि कुटपिट

इलाम । इलाम नगरपालिका–९ गोलबस्तीमा २ जना संचारकर्मीमाथी कुटपिट भएको छ । बुधबार राती १० बजेको समयमा एफएम बन्द गरेर कोठा तर्फ जाँदै गरेका चियाबारी एफएमका बजार ब्यवस्थापक कृष्ण पाठक र प्राविधिक प्रकाश न्यौपानेलाई स्थानिय रविन मगर सहितको समुहले कुटपिट गरेका हुन ।

कुटपिटमा परेका कृष्णको अबस्था गम्भिर रहेको प्रहरीले जानकारी दिएको छ । उनको टाउको, हात र खुट्टामा चोट लागेको छ । उनीहरुको हाल इलाम अस्पतालमा उपचार भइरहेको छ ।