मेयर कपको पहिलो खेलमा मेयर टिम विजयी

रौतह। रौतहट जिल्लाको गौरमा शनिवार देखि शुरु भएको मेयर कप २०७४ को उद्धघाटन तथा पहिलो खेलमा मेयर टिम विजयी भएको छ ।

पहिलो खेल अन्र्तगत मेयर टिम र गौर नगरपालिका वडा नम्बर १ बिच भएको खेलमा मेयर टिमले वडा नम्बर १ को टिमलाई ७ विकेटले पराजित गरेको हो । टाँस जितेर पहिले क्षेत्ररक्षणको निर्णय गरेको मेयर टिमले विपक्षी वडाको टिमलाई १६.४ आभरमा ५३ रनमा आँल आउट गरेको थियो ।

५४ रनको लक्षय सहित मैदानमा ओर्लेको मेयर टिमको शुरुवात खासै फलदायी नभएपनि बल्लेवाज करण साहको विश्वसनिय बल्लेबाजीका कारण मेयर टिमले नतिजा आफ्नो पक्षमा पारेको छ ।

टिम मध्येका उत्कष्ट बल्लेबाजका रुपमा रहेका रबिन बस्नेत र सितेश तिवारी सस्तोमा आउट भए पश्चात मेयर टिमका खेलाडिहरुको अनुहार धमिलो बनेको थियो ।

खेलमा मेयर टिमले १३.१ ओभर खेल्दै ३ विकेटको क्षतीमा निर्धारित ५४ रन बनाउदै ७ विकेटले विजय भएको छ । शनिवार भएको खेलमा विपक्षी वडाका टिमका लागी ४ जनाको शिकार गरेका तुफानी बलर विभास सिंह मैन अफ द मैच घोषणा भएका थिए ।