आज प्रजातन्त्र दिवस

काठमाडौं ।  राणा शासन अन्त्य भई देशमा वि.सं. २००७ फागुन ७ गते प्रजातन्त्र स्थापना भएको  सम्झनामा आज प्रजातन्त्र दिवस बिभिन्न कार्यक्रम गरी मनाइँदै छ ।

एकसय चार वर्षे जहानियाँ राणा शासनविरुद्ध चर्किएको आन्दोलनपछि तत्कालीन शासकले जनतासमक्ष घुँडा टेक्न बाध्य भई प्रजातन्त्र स्थापना भएको घोषणा गरिएको थियो ।

फागुन ७ मा प्रजातन्त्र स्थापना भएको सम्झनामा सरकारले प्रत्येक वर्ष राजधानीको टुँडिखेलमा औपचारिक कार्यक्रमको आयोजना गरी विशेष रुपमा यो दिवस मनाउँदै आएको छ । दिवसका उपलक्ष्यमा सार्वजनिक बिदा समेत दिने गरिएको छ ।