आफ्नै श्रीमतीको हत्या गरेको आरोपमा पक्राउ

काठमाडौं । आफ्नै ३२ वर्षीया श्रीमतीको हत्या गरेको आरोपमा  प्रहरीले एकजनालाई पक्राउ गरेको छ ।

श्रीमती मालती देवी नुनियाको हत्या गरेको आरोपमा बारा पचरौता नगरपालिका. १ पिपरपाती टोल बस्ने रामयाद महतोलाई  प्रहरीले पक्राउ गरेको छ ।
महतोले गत शुक्रबार श्रीमतीको हत्या गरी सोही ठाउँस्थित जमुनी नदीको किनारमा लगेर शव जलाउँदै गरेको भन्ने सूचनाको आधारमा जिल्ला प्रहरी कार्यालय बाराबाट खटिएको प्रहरीले घटनास्थलमा शव जल्दै गरेको अवस्थामा फेला पारेको थियो ।

उक्त घटना पश्चात फरार रहेका महतोलाई जिल्ला प्रहरी कार्यलाय बाराबाट खटिएको प्रहरीले पक्राउ गरेको हो ।