जनता बैंकको नाफा २७ करोड १७ लाख

काठमाडौं । जनता बैंकले चालु आर्थिक वर्षको ६ महिनामा नाफा ११ करोड रुपैयाँ बढाएको छ । गत पुससम्म बैंकले २७ करोड १७ लाख रुपैयाँ खुदनाफा गरेको छ ।

गत आवको सोही अवधिमा बैंकको नाफा १६ करोड १३ लाख रुपैयाँ थियो । बैंकले आइतबार सार्वजनिक गरेको दोस्रो त्रैमाशिक वित्तीय विवरणमा नाफा, कर्जा लगानी र निक्षेप परिचालन बढेको देखाएको छ ।

६ महिनामा बैंकको निष्क्रिय कर्जा बढेर २.६५ प्रतिशत पुगेको छ । यस्तै निक्षेप लागत ७.८३, सीडी रेसियो ७८.१४, आधार ब्याजदर ११.३५, स्प्रेड दर ३.८५ प्रतिशत छ । बैंकको प्रतिसेयर आम्दानी ६.७८ रुपैयाँ रहेको छ ।