शाओमीको रेडमी नोट ८ प्रो सार्वजनिक

काठमाडौं । शाओमीका रेडमी नोट ८ सिरिजका दुई स्मार्टफोन रेडमी नोट ८ प्रो र रेडमी नोड ८ सार्वजनिक भएका छन् ।

रेडमी नोट ८ प्रोको रिअरमा ८ दशमलव ८ एमएम मोटाइ भएको थ्रीडी कबर्ड ग्लास रहेको छ । त्यस्तै, यसमा ४ हजार ५०० एमएएच ब्याट्री र ६४ एमपी क्वाड क्यामेरा सेटअप गरिएको छ ।

रेडमी नोट ८ प्रो ६ जीबी प्लस ६४ जीबी, ६ जीबी प्लस १२८ जीबी र ८ जीबी प्लस १२८ जीबी स्टोरेज भेरियन्टमा उपलब्ध छ, जसको मूल्य क्रमशः रू. २६ हजार ९९९, रू. २९ हजार ९९९ र रू. ३२ हजार ९९९ शाओमीले तोकेको छ ।

रेडमी नोट ८ मा ४८ एमपी क्वाड क्यामेरा सेटअपसहित ६ दशमलव ३ इन्च डटनोच डिस्प्ले छ । यसमा १३ एमपी फ्रन्ट क्यामेरा र ४ हजार एमएएच ब्याट्री छ ।

४ जीबी प्लस ६४ जीबी, ६ जीबी प्लस १२८ जीबी भेरियन्टमा उपलब्ध मोबाइलको मूल्य क्रमशः रू. १८ हजार ९९९ र रू. २३ हजार ९९९ कायम गरिएको छ ।