एनआईसी एशिया बैंकद्धारा दुई नयाँ शाखाको औपचारिक उद्घाटन

काठमाडौं । एनआईसी एशिया बैंकले दुई नयाँ शाखाहरुको औपचारिक उद्घाटन  गरेको छ ।  कमलामाई नगरपालिका वडा नं. —६, सिन्धुलीमाडी, सिन्धुली  र बेसीशहर नगरपालिका वडा नं —७, बेसीशहर, लम्जुङ्गमा पौष २३ गते एक समारोहका बिच नयाँ शाखाहरुको औपचारिक रुपमा समुद्घाटन गरेको हो ।

सिन्धुली जिल्ला उद्योग बाणिज्य संघका अध्यक्ष बिनेश कुमार श्रेष्ठले सिन्धुली शाखाको र लम्जुङ्ग जिल्ला उद्योग बाणिज्य संघका अध्यक्ष राजेश थापाले बेसीशहर शाखाको उद्घाटन गरे ।

बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले विभिन्न स्थानहरुमा चाँडै  थप शाखा संचालन गर्ने योजना अगाडि सारेको छ ।