मोटरसाइकल चोरी गरेको अभियोगमा ३ व्यक्ति पक्राउ

दाङ । दाङ प्रहरीले चोरीको मोटरसाइकल सहित तीन जनालाई पक्राउ गरेको छ। लमही नगरपालिका वडा नं. ४ अर्नवा निवासी सम्मान गुरुङ, प्रदिप चौधरी र लमही ५ आदर्श टोल निवासी अनिलसिंह बस्नेत मोटरसाइकल चोरी गरेको अभियोगमा पक्राउ परेका छन्।

उनीहरु तीनै जनाले असोज ४ गते रातको साढे ९ बजेतिर लमही नगरपालिका वडा नं. ५ निवासी प्रदिप परियारको रा १ प ३८६८ नम्वरको मोटरसाइकल चोरी गरेर लैजादै गर्दा प्रहरीलाई देखेपछि मोटरसाइकल छोडेर भागेको थिए।

उनीहरुलाई असोज ९ गते पक्राउ गरि आवश्यक कारवाहीको लागि प्रक्रिया अगाडि बढाइएको प्रहरीले बताएको छ।