दाङ । सल्यानमा तरकारी बोकेको पिकअप जिप बिहीबार राती दुर्घटना हुँदा एक जनाको ज्यान गएको छ । अन्य सात जना घाइते भएका छन् । दुर्घटनामा कपुरकोट गाँउपालिका–४ किमिचौरका कर्मि पुनको ज्यान गएको हो ।
गम्भीर घाइते भएकी पुनको राप्ती प्रादेशिक अस्पताल तुलसीपुर दाङमा उपचारको क्रममा शुक्रबार बिहान ज्यान गएको हो । कपुरकोट गाँउपालिका–४ किमिचौरबाट कपुरकोट आउँदै गरेको लु १ च ४१५३ नम्बरको पिकअप जिप दुर्घटनामा परेको हो । दुर्घटनामा घाइते सात जनाको राप्ती प्रादेशिक अस्पतालमा उपचार भइरहेको छ ।
तरकारी बोकेको जिपमा चालकसहित ९ जना सवार रहेको प्रहरीले जानकारी दिएको छ । प्रहरीका अनुसार अत्यधिक लोडका कारण जिप दुर्घटनामा परेको हो । चालकलाई प्रहरीले नियन्त्रणमा लिएको छ ।
प्रतिकृया दिनुहॊस