एनआइसी एसिया बैंकको १०% बोनस सेयरमा भयो मूल्य समायोजन

काठमाडौं । एनआइसी एसिया बैंकको १०% बोनस सेयरमा मूल्य समायोजन भएको हो । समायोजनपछि आइतबार यसको सेयर कारोबार प्रतिकित्ता ४०७ रुपैयाँ २७ पैसालाई आधार मानेर खुलेको छ । बैंकले गत वर्षको नाफाबाट ११.०५२६% नगद र १०% बोनस सेयर गरी कुल २१.०५२% लाभांश दिन लागेको हो ।

साधारण सभा आर्मी अफिसर्स क्लब, भद्रकाली काठमाडौंमा असोज १० गते बिहान ९ बजे सुरु हुनेछ । हाल बैंकको चुक्ता पुँजी ८ अर्ब ८३ करोड ४२ लाख २८ हजार रुपैयाँ छ । प्रस्तावित बोनस वितरणपछि पुँजी ९ अर्ब ७१ करोड ७६ लाख ५० हजार रुपैयाँ पुग्नेछ । गत आर्थिक वर्षमा एनआइसीले ३ अर्ब ५ करोड ५५ लाख रुपैयाँ खुद नाफा कमाएको छ । यसको प्रतिसेयर आम्दानी ३४ रुपैयाँ ५६ पैसा रहेको छ ।