इलाम । राष्ट्रिय जनमुक्ति पार्टी लिम्बुवान राज्य परिषद्ले आज बन्द आह्वान गरेको कारण पूर्वका नौ जिल्लाको जनजीवन प्रभावित भएका छन् । बन्दका कारण पूर्वका पाँचथर, ताप्लेजुङ,इलाम, झापा, सुनसरी, मोरङ, तेहथुम, धनकुटा, र संखुवासभा जिल्लाका यातायात र बजारका पसल सञ्चलनमा प्रभाब परेकाे छ ।
राष्ट्रिय जनमुक्ति पार्टी लिम्बुवान राज्य परिषद्ले साउन २२ गतेलाई कालो दिन मान्दै आएको छ ।१८३१ साल साउन २२ गते कै दिन लिम्बुवानको तत्कालिन गोर्खासँग भएको नुनपानी सन्धीले आत्मनिर्णयको अधिकार खोसिएको भन्दै साउन २२ लाई परिषदले कालो दिनको रुपमा मनाउँदै आएको छ ।
तपाईंको प्रतिकृया
