‘कबड्डी कबड्डी कबड्डी’को पहिलो गीत (भिडियाे)

काठमाडौं । नेपाली चलचित्र ‘कबड्डी कबड्डी कबड्डी’को पहिलो गीत रिलिज भएको छ । सार्वजनिक दुबो फूल्यो बोलको गीत रिलिज भएको केही समय भित्रै लाखौ भ्यू पाईसकेको छ ।

हेमन्त राना र रितिका श्रेष्ठको आवाजमा रहेको गीतमा एसडी योगीको संगीत र हर्क साउदको शब्द रहेको छ । गीतमा दयाहाङ राई, कर्मा शाक्य, उपासना सिंह ठकुरी र विल्सन विक्रम राई मुख्यरुपमा फिचर्ड भएका छन् ।

गीतमा विल्शन र उपासनाको टिकाटालो छिन्न लागेको दृश्य पनि समाबेश गरिएको छ । अन्तरजातिय प्रेम सम्बन्धभित्रको अन्तरद्वन्द्वको कथा बोकेको फिल्ममा बुद्धि तामाङ, माओत्से गुरुङ, विजय बराललगायत कलाकारको अभियन रहेको छ ।

रामबाबु गुरुङको निर्देशन बनेको फिल्मको कथा रामबाबु र उपेन्द्र सुब्बाले तयार पारेका छन् । बासुरी फिल्मस्को निर्माण, सिनेमा आर्टको प्रस्तुति, माउण्टेन स्टोरिज र नौमती इन्टरटेन्मेन्टको सहकार्यमा फिल्म निर्माण भएको हो । फिल्म भदौ १३ मा अल नेपाल रिलिज हुँदैछ ।