ज्वाइँले गरे आफ्नै सासूको हत्या

अर्घाखाँची ।अर्घाखाँचीको सितगंगा नगरपालिकामा ज्वाइँले आफ्नै सासूको हत्या गरेका छन्।दाङ जिल्ला राप्ति गाउँपालिका घर भएका २९ वर्षीय वसन्त कुमालले ससुराली आएका बेला अर्घाखाँची सितगंगा ८ सातमारा बस्ने सासू ४३ वर्षीय इन्द्रा कुमालको घाँटीमा डोरीले कसेर हत्यागरेका छन्।

सासू र ज्वाइँबीच झगडा हुँदा  रिसको झोकमा घाँटीमा डोरीले कसेर हत्या गरेपछि भान्सा कोठामा बारेको बाँसको चिरपटमा सासूलाई झुन्डाएका थिए। प्रहरीका अनुसार सासूको हत्यापछि अभियुक्त कुमालले सासू झुन्डिएको भन्दै गाउँलेलाई बोलाएका थिए। घटनास्थलमा गाउँले आउँदा कुमाल भागेर नजिकै आफन्त कहाँ गएर बसेका थिए। प्रहरीले कुमाललाई पक्राउ गरेको छ।