खल्तीबाट शिक्षक नियुक्ति गर्ने कार्य बन्द गरिनुपर्छः शिक्षामन्त्री

भक्तपुर । शिक्षामन्त्री गिरिराजमणि पोखरेलले स्थानीय तहले आफ्नो खल्तीका मानिसलाई शिक्षक नियुक्ति गर्ने परम्परा बन्द गर्नु पर्ने बताएका छन् ।

नेपालमा प्रावधिक विषय पढ्ने विद्यार्थीको संख्या नौ प्रतिशत मात्र भएकाले यसलाई वृद्धि गर्नु पर्ने पनि शिक्षामन्त्री पोखरेलको जोड छ ।

कार्यक्रममा भक्तपुरका जिल्ला समन्वय समितिका प्रमुख नवराज गेलाल चाँगुनारायण नगरपालिकाका प्रमुख सोमप्रसाद मिश्रलगायतले स्थानीय पाठ्यक्रम लागू भएपछि विद्यार्थीको शैक्षिक ज्ञान वृद्धिमा मद्दत पुग्ने बताए ।

यो अवरसमा नगरपालिकाको स्थानीय पाठ्यक्रम ‘हाम्रो चाँगुनारायण’ सार्वजनिक गरिएको थियो ।  जुन कक्षा ६, ७ र ८ मा लागू हुने नगरप्रमुख मिश्रले जानकारी दिए ।