बिजुलीबजारमा मोटरसाइकल दुर्घटना, एकजनाको मृत्यु

काठमाडौं । बिजुलीबजारमा आज बिहान साइकलमा मोटरसाइकल ठोक्किँदा एक जनाको मृत्यु भएको छ। एकजना घाइते भएका छन्।

दुर्घटनामा बा ४१ प ५३६ नम्बरको मोटरसाइकल चालक ललितपुर पाटनका ३७ वर्षीय अमरराज ताम्राकारको मृत्यु भएको प्रहरीले जनाएको छ।

मोटरसाइकलमा सवार काभ्रेकी रितु लामा घाइते भएकी छन्। मोटरसाइकल रड बोकेको साइकलमा ठोक्किएको प्रहरीले जानकारी दिएको छ।