काठमाडौं । एन आई सी एशिया बैंकले नवलपरासीको कावासोती नगरपालिका ६ विष्णुनगरमा २९औं शाखारहित बैंकिङ्ग सेवा संचालनमा ल्याइएको छ ।
कावासोती नगरपालिका उप–मेयर प्रेम शंकर मर्दानियाले बैंकले संचालनमा ल्याएको शाखारहित बैंकिङ सेवाको उद्घाटन गरेका छन् ।
बैंकले उक्त शाखारहित बैंकिङ सेवाका प्रतिनिधिको रुपमा घ्याब्रे इन्टरप्राईजेज (प्रोप्राइटर विकाश गुरुङ) लाई नियुक्त गरेको छ ।
बैंकले शहरी तथा ग्रामीण जिल्लाहरुमा समेत आफ्नो सशक्त उपस्थिति जनाउँदै गाउँ–गाउँमा वित्तीय पहुँच तथा वित्तीय सबलीकरणको लागि शाखारहित बैंकिङ सेवा प्रदान गर्दै आइरहेकोे छ ।
शाखारहित बैंकिङ सेवाबाट देशका विभिन्न ग्रामीण क्षेत्रका स्थानीयबासीले आफ्नो गाउँमै स्थानीय प्रतिनिधिमार्फत् बैंकिङ सेवा लिन सक्नेछन् ।
प्रतिकृया दिनुहॊस