दाङ । दाङमा एक जनाको घरको छतबाट खसेर मृत्यु भएको छ । लमही नगरपालिका वडा नम्बर ६ देउपुर सञ्चार टोल निवासी ३३ वर्षीय किशोर डिसीको आफ्नै घरको छतबाट खसेर मृत्यु भएको वडा प्रहरी कार्यालय लमहीले जनाएको छ ।

अत्याधिक गर्मी भएका कारण डिसी घरको छतमा सुत्दै आएका थिए ।

बेलुका खाना खाएर छतमा सुत्न गएका डिसी बिहान छतबाट खसेको अवस्थामा फेला परेका थिए । आफन्तहरुले उपचारको लागि फलोरेन्स अस्पतालमा लगेका थिए । अस्पतालका चिकित्कले मृत घोषणा गरेका हुन् ।