अनिताको हत्यामा संलग्न अभियुक्त अनिताकै श्रीमान

जीतपुर । गत फागुन १० गते राति हत्या गरिएकी कपिलवस्तु, वाणगङ्गा नगरपालिका वडा नं ४ ठाकुरापुर निवासी अनिता पौडेलको हत्यामा संलग्न अभियुक्तलाई कपिलवस्तु प्रहरीले पक्राउ गरेको छ । धारिले हतियार प्रहार गरी हत्या गर्ने २ जनासहित हत्याको योजना बनाउने मृतककी श्रीमानलाई पक्राउ गरेर प्रहरीले आज सार्वजनिक गरेको छ ।

पक्राउ पर्नेमा रुपन्देही जिल्ला देबदह नगररपालिका ४ चरुङेका ३५ बर्षीय गुनाखर अधिकारी, रुपन्देही स्थित बुटवल उपमहानगरपालिका १३ नयाँ गाउँ स्थायी घर भएका ३६ बर्षका श्रीहरी गौतम र हत्या योजना बनाउने श्रीमान बाबुराम पौडेल छन् ।

घरमै बसिरहेका अबस्थामा अधिकारी र गौतमले आफनो जन्म दिन हो भनेर अनिता पौडेलको कोठामा केक लगेर गौतमले चिया पकाउन लगाएर चिया पकाउँदै गर्दा पछाडीबाट गुनाखर अधिकारीले धारिलो रडले  प्रहार गरी हत्या गरेका थिए ।

हत्या गरी फरार रहेका उनीहरुलाई प्रहरीले पक्राउ गरेर सोधपुछ गर्दा अनिताकै श्रीमानले बाबुराम पौडेल आफुहरुलाई ७ लाख दिने भएपछि अनिताको हत्या गरेको स्वीकार गरेका थिए ।