टोटनह्याम र म्यानचेस्टर युनाइटेडलाई पछि पार्दै अघि बढ्यो आर्सनल

काठमाडाैँ । इंग्लिस प्रिमियर लिग फुटबल अन्तर्गत सोमबार राति भएको खेलमा जित निकाल्दै आर्सनल तेस्रो स्थानमा उक्लिएको छ । लिग अन्तर्गत घरेलु मैदानमा भएको खेलमा आर्सनलले न्युक्यासललाई २–० ले हराएको हो ।

आर्सनलको जितमा आरोन रामसी र एलेक्सान्ड्र लाकाजेट्टीले गोल गरेका हुन् । ३० औँ मिनेटमा रामसीको गोलबाट आर्सनलले सुरुवाति अग्रता लियो । ८३ औँ मिनेटमा लाकाजेट्टीले गोल गर्दै टिमलाई २–० को जित दिलाएका हुन् ।

जितपछि आर्सनलले टोटनह्याम र म्यानचेस्टर युनाइटेडलाई पछि पारेको हो । टोटनह्याम चौथा तथा युनाइटेड पाँचौँ स्थानमा झरेका छन् । तेस्रो स्थानमा गएको आर्सनलको ३१ खेलबाट ६३ अंक भएको छ । टोटनह्याम र म्यानचेस्टर युनाइटेडको समान ६१ अंक छ ।