काठमाडौं । साल्ट ट्रेडिङ कर्पोरेशनले घरजग्गामा लगानी गर्ने भएको छ । यसको लागि कम्पनीले फ्यूचर वर्कस् विल्डिङ्ग सोलुसन प्रा.लि. कम्पनी स्थापना गरी निर्माण सामग्रीको उत्पादन सुरु गरेको छ ।
यस्तै कम्पनीको लगानी रहेको उपहार हाउजिङ्ग कम्पनी लिमिटेडले उक्त प्रविधिको घरहरु निर्माण गरी बिक्री गर्ने उद्देश्य अनुरुप चन्द्रागिरी नगरपालिका स्थित आफ्नै जग्गामा सो कार्यको थालनी गरेको जानकारी दिएको छ ।
लिमिटेडको ५२ औं वार्षिक साधारणसभामा यसको जानकारी दिइएएको छ । साधारणसभाले आर्थिक वर्ष २०७४।०७५ मा भएको मुनाफाबाट शेयरधनीहरुलाई १० प्रतिशत नगद लाभांश र २५ प्रतिशत बोनस शेयर दिने निर्णय गरेको छ । उक्त वर्ष कर्पोरेशनले कुल मुनाफा १ अर्व १० करोड ८१ लाख आर्जन गर्न सफल भएको थियो ।
नेपाल सरकारले अनुदानमा बिक्री वितरण गर्ने रासायनिक मल चालु आ.व. २०७५।०७६ को कुल रकमको कर्पोरेशनलाई प्राप्त हुने ३० प्रतिशत रकमबाट युरिया २०,००० मे.टन, डिएपी २०,००० मे. टन र पोटास २५०० मे. टन आयात भईसकेको र वाकी परिमाण यसै आ.व. को अन्त्यसम्ममा आयात भईसक्ने कम्पनीले जानकारी दिएको छ ।
प्रतिकृया दिनुहॊस