पिकअप भ्यानको ठक्करबाट एकजनाको मृत्यु

दाङ । दाङमा पिकअप भ्यानको ठक्करबाट एक जनाको मृत्यु भएको छ । पिकअप भ्यानले मोटर साइकललाई ठक्कर दिँदा मोटरसाइकल चालकको मृत्यु भएको जिल्ला प्रहरी कार्यालय दाङले जनाएको छ ।

तुलसीपुरबाट पश्चिम तर्फ जाँदै गरेको रा १ च ३४६ नम्वरको पिकअपले विपरीत दिशावाट आउँदै गरेको बा ९७ प ८५६२ नम्वरको मोटरसाइकललाई ठक्कर दिँदा
दंगिशरण गाउँपालिका वडा नंम्बर ६ थापगाउँका १८ वर्षीय गोरख चौधरीको मृत्यु भएको हो ।

चौधरीलाई राप्ती प्रादेशिक अस्पतालमा उपचार गर्दा गर्दै मृत्यु भएको प्रहरीले जनाएको छ । पिकअपका चालक फरार रहेको र खोजी जारी रहेको प्रहरीले जनाएको छ ।