सानिमा बैंकको नाफा अर्ब छेउ

काठमाडौं । सानिमा बैंकको नाफा अर्ब छेउ पुगेको छ । बैंकले चालु आर्थिक बर्षको पुस मसान्त अवधीमा ९४ करोड नाफा आर्जन गरेको हो । गत आवको पुस मसान्तमा बैंकको नाफा ८० करोड थियो । सानिमाले गत पुस मसान्तको तुलनामा यसपाली १७.५० प्रतिशतले नाफा वृद्धि गरेको हो । बैंकले पछिल्लो ३ महिनामा ४८ करोड नाफा वृद्धि गरेको छ । असोज मसान्तमा ४६ करोड नाफा कमाएको बैंकले पुस मसान्तमा ९४ करोड पुर्याएको हो ।

उक्त बैंकले असोजमा ९७ करोड ब्याज आम्दानी गरेको थियो याे पुस मसान्तमा १ अर्ब ९१ करोड पुगेको छ । ८ अर्ब चुक्ता पुँजी रहेको बैंकको जगेडा कोषमा २ अर्ब ६५ करोड रहेको छ । ०.२४ प्रतिशत खराब कर्जा रहेको बैंकको आधार ब्याजदर ९.७५ प्रतिशत रहेको छ । ७.५७ प्रतिशत कष्ट अफ फण्ड रहेको बैंकको प्रति सेयर आम्दानी २४.६२ रुपैंयाँ रहेको छ ।