पूर्वराजा डेढ महिने तराई यात्रामा

काठमाडौं । पूर्वराजा ज्ञानेन्द्र शाह डेढ महिने तराई यात्रामा निस्कदै छन् । आइतबार दिउँसो उनी काठमाडौंबाट बुद्ध एयरको विमानबाट सीमरा जाँदैछन् । पूर्व रानी कोमल र सहयोगीसंगै उनी अपरान्ह ४ बजे सीमरा विमानस्थल पुग्ने कार्यक्रम रहेको जनाइएको छ ।

सीमरामा एक हप्ता बस्ने कार्यक्रम रहेको उनको संवाद सचिव डा फणिराज पाठकले जानकारी दिएका छन् । पूर्वराजा शाह माघ २० गते दमक जाने कार्यक्रम छ । दमकमा झण्डै एक महिना बसाई हुने बुझिएको छ ।

निजी भ्रमण र बसाईका क्रममा पूर्वराजाले स्थानीय नेतासंगै सर्वसाधारणसंग पनि छलफल गर्ने बुझिएको छ । अन्य कार्यक्रमहरु तय भइनसकेको र पछि कार्यक्रम बन्ने बताइएको छ ।